كيفاش خدام؟
دليل كامل باش تستخدم سباب
سباب هي المنصة رقم 1 في المغرب اللي كتربط بين الناس و المياومين الحرفيين المؤهلين (صنايعية، تقنيين، ومقدمي الخدمات). سواء كنت كتقلب على بلومبي ديال الزربة، تريسيان محترف، أو خدامة ثقة للدار، المنصة ديالنا كترجع البحث سهل، سريع و آمن.
للعملاء: لقا المياوم ديالك
1. صوب الحساب ديالك كعميل
حمّل التطبيق ديالنا ولا دخل للموقع. التسجيل كياخد قل من دقيقة بالنمرة ديال التيليفون ديالك فالمغرب، و مؤمن عن طريق كود كيصلك في الواتساب أو SMS باش نضمنو المصداقية ديال كل المستعملين.
2. وصف المشكل ديالك بالتفصيل
عزل نوع الخدمة اللي محتاجها (بلومبيري، تريسينتي، نظافة، صباغة، الخ). وصف المشكل اللي عندك باختصار. وتقدر تزيد حتى تصاور باش المياوم الحرفي يفهم مزيان قبل ما يجي لعندك. الموقع ديالك كيتم تحديدو أوتوماتيكيا باش يعلم المياومين لقراب ليك.
3. قارن بين المياومين واختار
في دقائق قليلة، المياومين الحرفيين اللي متوفرين في الحي ديالك غيتوصلو بالإشعار دييلك. و غيصيفطو ليك العروض ديالهم. تقدر تقارن الأثمنة، و الأهم من هادشي تشوف الآراء و التقييمات و الخدمة اللي دارو من قبل. القرار كامل فيدك.
4. استفد من الخدمة و قييم
غير غتختارو، المياوم غيجي يدير الخدمة ديالو. من بعد الإصلاح ولا الصيانة، خلي شي تقييم صريح. الرأي ديالك كيعاون المجتمع باش يعرفو شكون هوما أحسن المياومين ديال الثقة في المغرب.
للمياومين الحرفيين: لقا شونتيات وخدمات
1. صوب البروفايل ديالك كحرفي
تسجل في موقع سباب و عزل خيار "بغيت نخدم". كمل البروفايل ديالك و حدد الحرف ديالك، التجربة، و البلايص اللي كتبغي تخدم فيهم (الدار البيضاء، الرباط، مراكش، الخ).
2. تحقق أمني صارم
باش نضمنو ثقة الكليان، كنتحققو من الهوية ديال كل مقدم خدمة. يكفي انك تصور لاكارط ناسيونال ديالك (CIN) و شي سيلفي للتحقق. الفريق ديالنا كيفاليدي الحساب ديالك بسرعة باش تقدر تبدا تخدم بشكل قانوني.
3. توصل بطلبات فيها خدمة ديال بصح
غير يتفاليدا حسابك، ورك على زر التوفر (ديسبونيبل). غادي تولي توصل في الحين بطلبات الخدمة ديال الكليان اللي قراب ليك. صيفط العروض ديالك، ربح الشونتيات، تخلص من عند الكليان و بني السمعة ديالك بالتقييمات الزوينة.
أسئلة شائعة (FAQ)
واش سباب فابور؟
استعمال المنصة فابور 100% بالنسبة للكليان اللي كتقلبو على مياوم حرفي. نتا كتخلص غير الثمن اللي تافقتي عليه نيشان للمياوم دييلك مور ما يكمل خدمتو.
كيفاش كتضمن الموثوقية ديال هاد المدياومين الحرفيين؟
كل حرفي في سباب كيدوز من واحد التحقق صارم لبطاقة الهوية ديالو (CIN). و زيادة على هادشي، النظام ديال التقييمات من الكليان مورا كل خدمة كيعاونا باش نبعدو أوتوماتيكيا الناس اللي ما كيحترموش معايير الجودة ديالنا.
أشمن مدن فالمغرب كاينين فيها؟
سباب كاين في كاع المغرب. واخا تكون في كازا، الرباط، مراكش، طنجة، فاس ولا أكادير، الشبكة ديالنا كتتأقلم باش تلقا المياوم الحرفي اللي أقرب للموقع ديالك.
آش نقدر ندير الا وقع لي شي مشكل مع شي مياوم؟
واخا هادشي قليل بفضل نظام التقييم والثقة ديالنا، الا وقع شي مشكل، فريق الدعم ديالنا ديما متوفر 7 أيام في السيمانة عن طريق الواتساب باش نلقاو حل و نعاونوك.